Shabdo’n ki kami…

Bhais nahin kar pata hoon mai,

Phele kabhi kabhaar halka bahut kar leta tha,

Ab bass haar maan leta hoon.

Mooh fula ke baith jaata hoon.

Kaafi logo’n ko karte dekha hai maine,

Roothna bhi khete hai isse log,

Ab aise logo’n ki peedha samajhta hoon mai,

Mere Shabd kamm pad gaye hain.

Vakya khatam ho gaye hain.

Jab ye samjhane ki koshish karo toh ilzaam lag jaate hai

Kaamchor, kambuddhi, aalsi, azgar,

Keh diya jata hai.

Victim card ka saathi ghoshit kar diya jata hai,

na, na, Bhavnaein nahin mari hai meri,

Veh choti moti baato’n pe bhi uchak deti hai.

Baatei’n bhool jata hu, qisse nakaar deta hu,

shikayatein, niraasha, angaar, ye sab

Bhula deta hoon,

choonki, shayad yaad rakhne ke liye bhi

Shabdo’n ki zarurat hai

Aur jaisa maine bataya

Mere shabd kamm pad gaye hain

Ek purse hai, ek chota sa purse,

Kisi ka bag hota hai, kisi ki atechi, kisi ki almaari, kisi kisi ka bora bhi hota hai

jiski baaloo vo udhel dete hain jab aag baboola hote hai,

bina saamne waale ki aankhein dekhe,

Mera vo chota purse hai jisse daadi, mummy, buaji vagera apne paas

Rakhti thi, jisme kabhi unki shaadi ke kangan vagera hote the ek zamane, ab 5–5 ke, 2–2 ke, kabhi kabhaar 10 ka ek karara note hota hai aur ek do sikke

Bass Itne hi shabd hai mere paas

Ab jab shabd nahin, toh bayaa’n kaise karu,

Aansu toh bachpan mai hi kamzor khiladi hone ke chakkar mai,

dusre ladko’n ne chappalo’n se maar diye

Nahin Nahin aap galat samajh rahe hain, victim card nahin khel raha

Bass shabd nahin hain, ye shando’n mai bayaa’n kar raha hoon,

Kabhi kabhaar shabd aa jaate hai,

Kabhi kahin kisi zamane mai sune hue

Padhe hue,

Likhe dekhe kisi duur dewaar pe,

Sochta hu iss baar bol hi deta hu,

Par fir, fir vivaad hoga,

Fir mudde chidenge,

Fir nok jhok, gaali galoch hogi, abdshabd honge

Aisa nai hai mai ye sab nai kar pata

Par kya hai ki,

Agar shatranj khelne jao aur sirf pyaade le jao,

Toh ulte muh maat toh khaani padegi na,

Aajkal toh shabdo’n pe kaaboo bhi nahin raha hai,

Kabhi toh aise tapakte jaise gale se aag nikal rahi ho,

Aur kabhi sookhi chita ki tarah bass beh jaane ka intezaar karte hai,

Nahin Nahin, aap galat samajh rahe hain, dukhda nahin suna raha,

Bass shabd nahin hain, ye shando’n mai bayaan kar raha hu

Kehne ko toh mai kya kya nai keh sakta

Log mujhe jhoota, apne aap se aparichit kehne lage hai,

mai unhe samjhau kaise, rubaru karu’n kaise,

unhe bhi mehsoos karana chahata hoon,

apna geet sangeet sunna chahta hoon,

unhe bhi toh thakaan mehsoos ho,

aatmsamaan pe gheri chot ka ghaav dikhe,

meri aankh ke peeche vo sookhe aansu dikhe,

insaniyat, prem aur bhaav dikhe,

iss chuppi ki wajah dikhe,

hum jaise hai, waise dikhe,

agar jo jalaad vo humein kehte hai, vo jalaad dikhein.

mai unhe samjhau’n kaise, main samjhana chata hu,

lekin

Jaisa ki maine bataya, mera paas vo chota purse hai

Aur usme keval ginne chunne shabd hai

Mere, Shabd kamm pad gaye hain.